Greint var frá því fyrir helgi að stórleikarinn Brad Pitt væri kominn í samband með þýsku fyrirsætunni Nicole Poturalski. Nú greina hins vegar miðlar frá því að Poturalski sé gift en í opnu hjónabandi.
Poturalski er sögð gift þýska veitingastaðaeigandanum Roland Mary. Þau eru sögð hafa verið gift í átta ár og eiga saman sjö ára son.
Samkvæmt heimildum Daily Mail er Poturalski fjórða eiginkona Marys og honum sé sama þótt hún slái sér upp með öðrum manni því þau séu í opnu hjónabandi.
Pitt og Poturalski sáust saman á flugvelli í París í Frakklandi um miðja síðustu viku.