Raunveruleikastjarnan Kim Kardashian West tilkynnti í gær að raunveruleikaþættir fjölskyldunnar, Keeping Up With The Kardashians, verði ekki lengur framleiddir. Þættirnir hafa verið í framleiðslu í 14 ár og gert þær Kardashian- og Jenner-systur að stórstjörnum.
Lokaserían, sú 21., mun fara í loftið í byrjun 2021.
„Það var okkur þungbær ákvörðun sem fjölskyldu að segja skilið við Keeping Up With The Kardashians,“ sagði Kardashian í tilkynningunni. Hún þakkaði öllum þeim einstaklingum og fyrirtækjum sem tóku þátt í þáttunum með þeim.
„Þessir þættir gerðu okkur að þeim sem við erum í dag og við munum alla tíð standa í skuld við alla þá sem hjálpuðu til við að skapa starfsferil okkar og breyttu lífi okkar að eilífu,“ sagði Kardashian.
❤️💔 pic.twitter.com/PaAF4hgmU5
— Kim Kardashian West (@KimKardashian) September 8, 2020