Söngkonan Kelly Clarkson segir að það sé ekkert leyndarmál að líf hennar hafi ekki verið auðvelt að undanförnu. Clarkson sótti óvænt um skilnað í sumar og má rekja erfiðleikana til breytinga á hjúskaparstöðu hennar.
„Ég meina, það er ekkert leyndarmál líf mitt hefur eiginlega verið eins og á ruslahaugunum,“ sagði Clarkson í viðtali á vef Today. „Síðustu mánuðir hafa verið mjög erfiðir hjá mér persónulega.“
Clarkson hefur leitað ráða hjá vinum sínum sem hafa gengið í gegnum skilnaði.
„Ég veit ekki hvernig fólk fer í gegnum skilnaði án þess að fá einhvers konar útrás af því þetta er það versta í heimi fyrir alla sem eiga hlut að máli.“ sagði Clarkson.
Clarkson varð heimsfræg árið 2002 þegar hún vann fyrstu þáttaröðina af American Idol. Í byrjun júní sótti hún um skilnað við eiginmann sinn, umboðsmanninn Brandon Blackstock. Saman eiga þau tvö börn sem eru sex og fjögurra ára.