Hættur með unnustanum eftir tíu ára samband

Sjónvarpsstjarnan Karamo Brown úr Netflix-þáttunum Queer Eye er hættur með unnusta sínum, Ian Jordan. Parið trúlofaði sig árið 2018 en var búið að vera saman í tíu ár. Brown nýtti kórónuveirufaraldurinn til að skoða líf sitt vel.

Mennirnir stefndu á það að gifta sig í sumar en brúðkaupinu var freksta vegna kórónuveirufaraldursins. 

„Því var frestað vegna faraldursins en nú er því formlega frestað þar sem unnusti minn og ég, við vorum saman í tíu ár, hættum saman fyrir þremur og hálfum mánuði síðan,“ sagði Brown í viðtali í þætti Ellenar DeGeneres. 

Frétt af mbl.is

Varð faðir aðeins 15 ára gamall

Parið tóku meðvitaða ákvörðun um að hætta saman og fóru meðal annars í ráðgjöf til að hætta saman í góðu. 

„Við vorum ekki tvítugir lengur svo þetta var ekki bara: „Ókei, ég ætla að hætta senda þér skilaboð.“ Þetta snerist meira um að við áttum fjölskyldu og heimili. Hvernig skiljum við? Og það var erfitt. Við fórum í ráðgjöf á netinu, við gerðum margt,“ sagði Brown. 

Að lokum spurði Brown sig hvort að hamingja hans væri honum mikilvæg. Þegar hann svaraði því játandi áttaði hann sig á því að þeir þyrftu að hætta saman. 

• Blogga um frétt