Íslandsstofa hefur fyrir hönd markaðsverkefnisins „Ísland – saman í sókn“ gert samkomulag við Iceland Airwaves um framkvæmd tónlistarhátíðarinnar Live from Reykjavík, í samstarfi við RÚV, Reykjavíkurborg, Icelandair og Landsbankann. 

Frétt af mbl.is

Iceland Airwaves frestað til 2021

Á hátíðinni, sem fara mun fram í nóvember, koma fram margir af þeim íslensku tónlistarmönnum sem lengst hafa náð á erlendum vettvangi ásamt yngra tónlistarfólki. Hátíðin verður send út beint á RÚV og Rás 2 hér á Íslandi, en aðgengileg í gegnum streymisþjónustu á vefnum erlendis.

Tilgangurinn er að styðja við sköpun íslenskra tónlistarmanna, þróa tækni til streymis sem nýtast mun íslenskum hátíðum til framtíðar og einnig að efla markaðs- og kynningarstarf íslenskrar tónlistar á erlendum vettvangi í samstarfi við ÚTÓN. Hægt verður að kaupa aðgang að hátíðinni utan landsteinanna í gegnum vefinn Dice.fm og mun 60% af öllum tekjum renna beint til þeirra listamanna sem spila á hátíðinni. Samhliða Live from Reykjavík mun ÚTÓN standa fyrir rafrænni ráðstefnu fyrir áhrifafólk úr tónlistargeiranum til að kynna íslenska tónlist og listamenn. 

Íslensk tónlist er einn af þremur áhersluþáttum í markaðsaðgerðum „Ísland – saman í sókn“ sem koma til framkvæmda á næstu vikum. Efni sem framleitt verður í tengslum við hátíðina verður nýtt til kynningar á íslenskri tónlist og tónlistarstarfsemi og Íslandi sem áfangastað. Samkomulagið er einnig hluti af aðgerðapakka stjórnvalda til að styðja við menningu og listir á tímum COVID-19, sem mennta- og menningarmálaráðherra mun kynna á næstu dögum.

Alls hljóðar samningurinn upp á 25 milljónir króna.

Markaðsverkefnið „Ísland – saman í sókn“ er hluti af efnahagsaðgerðum stjórnvalda vegna COVID-19 fjármagnað af atvinnuvega- og nýsköpunarráðuneytinu og er ferðamála-, iðnaðar- og nýsköpunarráðherra formaður stýrihóps átaksins. Um er að ræða markaðs- og kynningarverkefni fyrir áfangastaðinn Ísland á völdum erlendum mörkuðum í því skyni að styrkja ímynd Íslands, auka eftirspurn og viðhalda samkeppnisstöðu íslenskrar ferðaþjónustu. Framkvæmd er í höndum Íslandsstofu, og aðgerðir á vegum verkefnisins fara fram undir merkjum „Inspired by Iceland“.

Iceland Airwaves, Live From Reykjavík, er samstarfsverkefni Íslandsstofu, Rúv, Reykjavíkurborgar, Icelandair og Landsbankans. Ljósmynd/Íslandsstofa

Tengdar fréttir

Iceland Airwaves

Gamla Airwaves gjaldþrota

• Davíð tekur auðmjúkur við keflinu af Matta í Hatara
• Steinunn Ólína lét sig ekki vanta
• Iceland Airwaves frestað til 2021
• Uppsagnir flugmanna Icelandair afturkallaðar

» Fleiri tengdar fréttir

• Blogga um frétt