Söngkonan Britney Spears er vön að koma fam í glamúrgallanum eða fötum sem líkjast einna helst nærfötum á samfélagsmiðlum. Hún kom aðdáendum sínum á óvart í vikunni þegar hún birti mynd af sér í venjulegum fötum á Instagram.
Spears segist vilja sýna fólki hvernig hún lítur út dagsdaglega. Hún segist vera óörugg og leggja þess vegna mikið upp úr því að líta vel út. Myndina kallar hún „Instagram á móti raunveruleikanum“.
„Ég vildi sýna ykkur hvernig ég virkilega lít út venjulega,“ skrifaði Spears. „Ég get verið óörugg þegar myndir af mér eru teknar og ég ekki undirbúin. Svo ég legg alltaf mikið upp úr því að líta vel út ... En þið vitið, stundum er gott að reyna ekki of mikið og rífa niður veggina af og til! Það krefst mikils styrks.“
Spears líkist ósköp venjulegri tveggja barna móður á myndinni sem hún birti með færslunni. Hún er í köflóttri skyrtu, gallabuxum, inniskóm og með gleraugu.
View this post on InstagramA post shared by Britney Spears (@britneyspears) on Oct 5, 2020 at 1:49pm PDT