Förðunarmeistarinn og snyrtivörumógúllinn Kat Von D segir að hún hafi verið send í sama heimavistarskóla og hótelerfinginn Paris Hilton. Kat Von D segist hafa verið lokuð inni í hálft ár þegar hún var 15 ára gömul.
Hilton greindi frá því í nýrri heimildarmynd um hana að foreldrar hennar hefðu sent hana í heimavistarskóla þegar hún var unglingur. Skólinn hafi hins vegar reynst vera geðdeild fyrir erfiða unglinga og segist Hilton hafa verið beitt kynferðisofbeldi og andlegu ofbeldi í skólanum.
Von D deildi því á dögunum í löngu myndbandi að hún hefði verið send í sama „pyntingaskóla“ og Hilton. „Ég eyddi sex mánðum af unglingsárum mínum þarna og skildi það eftir sig áfallastreituröskun og önnur áföll sem ég náði ekki að vinna úr,“ sagði Von D.
Hún segist ekki hafa verið beitt kynferðisofbeldi eða öðru ofbeldi en hún segist hins vegar hafa tekið eftir að slíkt hafi gengið á í skólanum.
Von D þakkar Hilton fyrir að stíga fram og greina frá ofbeldinu sem hún varð fyrir, annars hefði hún aldrei haft hugrekki til þess.