Tónlistarmaðurinn Tom Parker, einn af liðsmönnum hljómsveitarinnar The Wanted, er með æxli í heila. Parker sagði að hann væri enn í áfalli sex vikum eftir að honum var greint frá því að hann væri með krabbamein á fjórða stigi.
„Ég vissi að eitthvað væri ekki í lagi, en ég bjóst aldrei við að það væri þetta,“ sagði Parker í viðtali við OK! magazine. Hann sagðist ætla að halda í jákvæðnina þó læknar hafi sagt honum að hann væri dauðvona.
Parker öðlaðist mikla frægð um 2010 en lög hljómsveitarinnar The Wanted rötuðu á topplista víða um heim. Þar best hæst að nefna lögin Glad You Came og All Time Low. Hljómsveitin fór í dvala árið 2014. Eftir það fór Parker með hlutverk Danny Zuko í uppsetningu af Grease og komst í úrslit í þáttunum Celebrity Masterchef.
Hann er giftur leikkonunni Kelsey Hardwick og eiga þau 16 mánaða dótturina Aureliu saman og eiga von á sínu öðru barni.
Parker fékk flog í júlí síðastliðinn og fór þá á biðlista fyrir segulómun. Sex vikum seinna fékk hann annað, alvarlegra, flog í fjölskylduferð í Norwich. Eftir þriggja daga rannsóknir var hann greindur með krabbamein.
Í dag, mánudag, greindu þau Parker og Hardwick frá því að hann væri byrjaður í geislameðferð.
View this post on InstagramA post shared by Tom Parker (@tomparkerofficial) on Oct 11, 2020 at 11:08pm PDT