Kysstust þrátt fyrir skilnað

Hjónin Cardi B og Offset voru afar innileg þegar rapparinn hélt upp á 28 ára afmælið sitt á laugardaginn í Las Vegas. Hún sótti um skilnað frá barnsföður sínum í september. Parið gifti sig árið 2017. 

Offset mætti í afmælið og sást kyssa barnsmóður sína á munninn að því er fram kemur á vef People. Offset var einnig duglegur að birta myndir úr afmælinu sem lauk ekki fyrr en undir morgun. Auk þess að kyssa hana beint á munninn sást hann halda utan um barnsmóður sína þegar þau voru að dansa og talaði um hana sem „stelpuna sína“. 

Cardi B og Offset eiga saman hina tveggja ára gömlu Kulture. Í september sagði rapparinn að það væru engar líkur á að þau tækju saman á ný. Þau eiga þó sögu um að hætta saman og byrja saman aftur. Þau hættu til að mynda saman tímabundið í lok árs 2018. 

Fleiri stjörur voru í afmælinu, raunveruleikaþáttastjarnan Kylie Jenner var meðal þeirra sem lögðu leið sína til Vegas. Jenner mætti á einkaþotu og gaf rapparanum tösku frá Birkin.