Hvorki heimsfaraldur né forsetakosningar virðast koma í veg fyrir að Tiffany Trump, yngsta dóttir Donalds Trumps Bandaríkjaforseta, haldi ærlega upp á afmælið sitt.
Tiffany er 27 ára í dag, 13. október, og fagnaði afmælisvikunni sinni á veitingastaðnum Komodo í Miami á Flórída. Hún hélt upp á daginn með kærasta sínum Michael Boulos og vinum sínum.
Eftir kvöldverð og kampavín á Komodo fór hópurinn á skemmtistaðinn Kiki On The River þar sem tekið var á móti þeim með meira kampavíni, blysum og að sjálfsögðu bandaríska fánanum.
Tiffany átti Trump með eiginkonu númer tvö, Mörlu Maples, og er hún eina barn þeirra saman.