Gagnrýnir veisluhöld Önnu Láru

Heilbrigðisstarfsmaðurinn Sigrún Klara Sævarsdóttir gagnrýnir að fegurðardrottningin Anna Lára Orlowska hafi haldið upp á afmælið sitt um helgina. Sjálf hefur Sigrún Klára fórnað því að hitta vini sína og fjölskyldu fyrir vinnuna. 

„Ég var á leiðinni heim úr vinnu í gær þegar ég sé að samstarfskona mín setur í story á instagram frétt þar sem stóð: „Hún lét veiruna ekki stoppa afmælisboðið.“ Eins og það væri einhver hetjudáð að láta veiruna ekki stoppa fyllerí? Það er ömurlegt að vera heilbrigðisstarfsmaður, að vinna í covid, fórna því að hitta vini og fjölskyldu fyrir vinnuna, og sjá svo þetta!

Einhver instagramgúrú að monta sig að hafa haldið upp á afmælið sitt! Aftur á móti hef ég ekki hugmynd hvort það sé Vísir að ýkja af sér rassgatið eða þessi kona bara ekki með hlutina nægilega mikið á hreinu.

Anna Lára fagnaði 26 ára afmæli sínu um helgina og birti meðal annars mynd af sér í afmælinu á Instagram. Leikkonan Donna Cruz var ein af þeim sem boðið var í afmælið og birti hún einnig mynd af sér í afmælinu. mbl.is hefur ekki heimildir fyrir því hversu mörgum var boðið eða hvernig afmælið fór fram. 

• Blogga um frétt