Reyndi að fela partýhald í miðjum heimsfaraldri

Kendall Jenner hélt upp á 25 ára afmælið í skugga …
Kendall Jenner hélt upp á 25 ára afmælið í skugga heimsfaraldurs. ANGELA WEISS

Fyrirsætan Kendall Jenner hélt upp á 25 ára afmælið sitt um helgina. Hún reyndi þó að fela slóð sína og fengu gestir áminningu um að þeir mættu taka myndir í afmælinu en ekki birta þær á samfélagsmiðlum. 

Jenner verður 25 ára á morgun, 3. nóvember, en ákvað að halda upp á afmælið um helgina í hrekkjavökubúningi. Veisluhöldin fóru fram á skemmtistaðnum Harriet's Rooftop í West Hollywood í Los Angeles á laugardagskvöldið. 

Um 100 manns var boðið í veisluna og þar á meðal voru Justin og Hailey Bieber, Kanye West, Kim Kardashian West, Kylie Jenner, Travis Scott, Scott Disick, Jaden Smith, Paris Hilton, The Weeknd, Justine Skye, Quavo, Doja Cat, Winnie Harlow og Saweetie. 

„Engir samfélagsmiðlar. Taktu allar þær myndir sem þú vilt, en …
„Engir samfélagsmiðlar. Taktu allar þær myndir sem þú vilt, en ekki birta þær á samfélagsmiðlum“ Ljósmynd/Twitter

Jenner klæddi sig upp sem Pamela Anderson í Barb Wire.

Samkvæmt heimildum Entertainment Tonight tóku gestir hraðskimunarpróf áður en þeir fengu að koma inn á staðinn. Enginn mátti fara inn fyrr en neikvæð niðurstaða lá fyrir en enginn var með andlitsgrímu í afmælinu. 

Jenner hefur hlotið mikla gagnrýni á samfélagsmiðlum en í síðustu viku var slegið met í greindum kórónuveirusmitum í Bandaríkjunum. „Enginn nema Kendall Jenner heldur risastórt partí með öllum þessum stjörnum án andlitsgríma í miðjum heimsfaraldri. Með reglunni „engir samfélagsmiðlar“ svo enginn kæmist að því,“ skrifaði notandi á Twitter. 



mbl.is
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Vinur þinn gæti borið undir þig hugmynd að sparnaði í tengslum við ferðalög í dag. Allar fjármálaumræður dagsins geta fært þér hagnað þegar til lengri tíma er litið.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler