Leikarinn Jason Momoa lenti í skuldafeni eftir að persóna hans var drepin í þáttunum Game of Thrones. Þótt líf hans sé gott í dag sló hann ekki í gegn fyrr en fimm árum eftir að hann lék í GoT.
Momoa fór með hlutverk Khals Drogos sem var áberandi í fyrstu seríunni sem fór í loftið 2011 en ekki neitt eftir það. Hann segir að þættirnir hafi ekki verið jafn mikil lyftistöng fyrir sig og aðra leikara sem fóru með hlutverk í þáttunum. Stjörnurnar Sophie Turner, Maisie Williams, Emilia Clarke og Kit Harington léku öll í þáttunum og eru einar skærustu stjörnur Hollywood um þessar mundir.
Í viðtali við InStyle segir Momoa að hann hafi ekki getað fengið vinnu eftir þættina. „Ég meina við vorum að svelta eftir Game of Thrones. Ég fékk ekki vinnu. Það er mikil áskorun þegar þú átt lítil börn og með miklar skuldir,“ sagði Momoa.
Momoa er giftur Lisu Bonet og eiga þau tvö börn, Lolu og Nakoa-Wolf.
Fimm árum seinna fékk hann aftur tækifæri til að sanna sig í bransanum þegar hann fékk hlutverk Aquamans í ofurhetjuheimi DC Comics.