Chris Columbus, leikstjóri kvikmyndarinnar Home Alone 2: Lost in New York, segir að upphaflega hafi Donald Trump Bandaríkjaforseti, þá viðskiptamaður, ekki átt að vera í kvikmyndinni. Hann hafi hins vegar troðið sér inn í hana gegn því að hótel hans yrði notað.
Columbus ræddi um gerð kvikmyndarinnar í viðtali við Insider í vikunni. Hann rifjaði upp að hann hefði langað til að taka upp senu í anddyrinu á Plaza-hótelinu, sem var þá í eigu Trumps.
„Trump sagði okei. Við borguðum gjaldið, en hann sagði líka: „Þið megið ekki nota hótelið nema ég sé í kvikmyndinni,“ sagði Columbus og bætti við að hann hefði þá samþykkt að hafa Trump í myndinni.
„Þegar við tókum upp senuna gerðist dálítið furðulegt – fólk fór að fagna þegar Trump kom á skjáinn. Þannig að ég sagði við klipparann minn: „Leyfðu honum að vera í myndinni. Þetta er sena fyrir áhorfendur,““ sagði Columbus en bætti við að hann hefði samt troðið sér í myndina.