Klara syngur um sambandsslitin

Tónlistarkonan Klara Ósk Elíasdóttir, Klara Elias, gaf í dag út sína aðra smáskífu af komandi plötu sinni. Lagið ber nafnið Champagne og er aðgengilegt á streymisveitunni Spotify.

„Þetta er uppáhaldslagið mitt af plötunni. Lagið var samið tveimur dögum eftir erfiðustu sambandsslit sem ég hef farið í gegnum. Ég áttaði mig á því í miðju partýi, með glas á lofti og tárin í augunum að skála við vini mína, að þetta væri búið og ég væri loksins tilbúin til að hætta pína mig í að reyna að láta eitthvað ónýtt virka. Þetta er persónulegasta og einlægasta lag sem ég hef samið og er svo stolt og glöð að geta gefið það frá mér og lokað þessum kafla á þennan fallega hátt,“ segir Klara um smáskífuna. 

Klara gaf áður út lagið Paralyzed sem kom út í október. Væntanleg plata hennar kemur út á næsta ári. 

• Blogga um frétt