Hinir geysivinsælu Þorláksmessutónleikar Bubba Morthens verða aðgengilegir í beinu streymi 23. desember. Fyrirhuguð tónleikaröð Bubba í desember hefur verið fram í lok janúar og byrjun febrúar á næsta ári.
Miðinn á tónleikana á Þorláksmessukvöld er með ódýrasta móti og kostar aðeins 1.800 krónur. Tónleikarnir verða aðgengilegir í gegnum myndlykla símafyrirtækjanna og þarf hvert heimili aðeins að kaupa einn miða. Tónleikarnir hefjast klukkan 22 en miðasalan verður auglýst síðar.
Rúmlega 2.000 miðar hafa selst á tónleikana í Hörpu, Bæjarbíói, Bíóhöllinni og Hofi. „Við þessu er lítið að gera en þetta er í fyrsta sinn í marga áratugi sem ég sit ekki andspænis vinum og aðdáendum og spila fyrir þau uppáhaldslögin okkar fyrir hátíðarnar,“ segir Bubbi.
Miðar á tónleikakana færast sjálfkrafa á nýjar dagsetningar og eru þær eftirfarandi.