Mikil sorg ríkir nú á heimili Vilhjálms Bretaprins og Katrínar hertogaynju eftir að hundurinn Lupo féll frá. Lupo hafði verið í fjölskyldunni í níu ár. 

Fjölskyldan tilkynnti örlög Lupos á Instagram í gær og sagði frá því að hundurinn hefði haldið á vit feðra sinna helgina áður. „Við munum sakna hans svo mikið,“ skrifuðu Katrín og Vilhjálmur. 

Georg Bretaprins og Lupo voru hinir mestu mátar. Ljósmynd/Matt Porteous

James Middleton, bróðir Katrínar, minntist einnig Lupos í færslu á Instagram. „Það getur ekkert búið þig undir að missa hund. Fyrir ykkur sem hafið aldrei átt hund getur verið erfitt að skilja missinn. En þið sem hafið elskað hund vitið sannleikann: hundur er ekki bara gæludýr, hundur er hluti af fjölskyldunni, besti vinurinn, tryggur félagi, kennari og sálfræðingur,“ skrifaði Middleton. 

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt