Trúlofuð eftir eins árs samband

Leikkonan Gabourey Sidibe og Brandon Frankel eru trúlofuð eftir eins árs samband. Frankel fór niður á skeljarnar með aðstoð frá kettinum sínum. 

Sidibe deildi gleðifréttunum með heiminum í gærkvöldi og sagðist vera í skýjunum með að vera trúlofuð besta vini sínum. Frankel sjálfur deildi einnig myndum af því hvernig hann fór að því að biðja hennar. 

„Viltu giftast pabba mínum?“ stóð á ól kattarins og auk þess fyllti hann rúmið þeirra af rósablöðum og setti blöðrur fyrir ofan rúmið sem á stóð „Viltu giftast mér?“. 

Parið hefur verið saman síðan í maí á síðasta ári. 

• 
• Blogga um frétt