Vandræðalegt að sitja með Jolie og Pitt
Setja bókamerki
Óskarsverðlaunaleikkonan Emma Stone var í fyrsta skipti tilnefnd til Golden Globe-verðlauna árið 2011. Hún tók mömmu sína með sér á verðlaunin og sátu mæðgurnar við hlið leikarahjónanna fyrrverandi Angelinu Jolie og Brads Pitts.
„Ég var mjög, mjög spennt svo ég tók mömmu með mér. Við sátum við hlið Angelinu Jolie og Brads Pitts,“ sagði Stone í spjallþætti Jimmys Kimmels.
Stone segir að mamma hennar drekki vanalega ekki en þetta kvöld fékk hún sér kampavín og byrjaði svo að tala við Jolie. Jolie, sem er ekki síst fræg fyrir að eiga mörg börn, þurfti að svara spurningum frá mömmu Stone um hvort hún ætti börn, hvað þau hétu og hversu gömul þau væru.
„Hún vissi þetta allt en hún var að reyna að spjalla,“ sagði Stone og hló. Jolie og Pitt tóku vel í áhuga móður Stone og voru mjög indæl að sögn hennar.
Fara ekki lengur fram á einangrun yfir Davíð
Mest spennandi kosningar í áratugi
Tæknideild komin norður vegna andlátsins
Segir nýtt frumvarp gefa eldisfyrirtækjum auðlindir
Myndskeið: „Fólk var komið ískyggilega nálægt“
Áköf mótmæli í bandarískum háskólum