Segir Cruise hafa sýnt sitt rétta andlit
Setja bókamerki
Leikkonan Leah Remini, sem eitt sinn var í Vísindakirkjunni með leikaranum Tom Cruise, telur nýjustu æðisköst hans hafa verið uppgerð. Remini segir Cruise þekktan fyrir ofbeldisfulla hegðun en í síðustu viku hafi tilgangurinn verið að komast í fjölmiðla.
Í æðisköstum sem Cruise tók í síðustu viku öskraði hann á starfsfólk á tökustað nýjustu myndarinnar af Mission:Impossible fyrir að brjóta sóttvarnareglur. Cruise sagðist þræla sér út svo allt gengi upp í faraldrinum og fólk missti ekki í vinnuna í Hollywood.
King of Queens-leikkonan Remini sagði í grein The Underground Bunker að Cruise væri alveg sama um fjölskyldulíf starfsfólks síns. Hann tryði ekki á fjölskyldugildi.
„Ég veðja að Tom lét skrifa þetta fyrir sig og lét aðstoðarmann frá Vísindakirkjunni taka upp og gefa út. Að heyra ríkan leikara með gífurleg völd tala við starfsfólk sitt á þennan hátt er merki um veikleika og manneskju sem á mjög erfitt,“ sagði Remini sem hefur ekki legið á skoðunum sínum um Vísindakirkjuna síðan hún hætti árið 2013.
Remini segir óeðlilegt að Cruise telji að það sé ekki hægt að búa til kvikmyndir í Hollywood án þess að hann komi þar að. Hún segir hann hafa ranghugmyndir um sjálfan sig með hjálp Vísindakirkjunnar. Sannleikurinn sé að allir í Hollywood fari eftir sérstökum reglum vegna kórónuveirufaraldursins og það hafi ekkert með Tom Cruise að gera.
Þrátt fyrir að halda því fram að ræður Cruise hafi verið skrifaðar fyrir hann segir Remini að skapofsaköst hans í síðustu viku sýni hver hann er í raun og veru.
„Hann er ofbeldisfull manneskja. Ég hef orðið vitni að því. Ég hef fundið lítillega fyrir því og fyrrverandi kærasta hans, vinnufélagar og vinir hans hafa sagt mér svipaðar sögur,“ sagði Remini. „Þetta er hinn sanni Tom.“
Aukin tíðni þungunarrofa hjá yngsta aldurshópnum
Starfsfólk gæti fengið reikning frá Skattinum
Hafa samþykkt kaup fyrir um 9,2 milljarða
Ofsóttur innan veggja Boeing
Innviðir þandir og álagið „gríðarlegt“
Benda á Samgöngustofu sem bendir út í heim
Fjárfestingin 115 milljarðar króna