Fyrirsætan Stella Tennant er látin, fimm dögum eftir 50 ára afmæli sitt. Tennant varð bráðkvödd 22. desember að því er fram kemur í tilkynningu frá fjölskyldunni.
Hin skoska fyrirsæta skapaði sér nafn í fyrirsætubransanum snemma á 10. áratugnum og sat fyrir í tímaritum á borð við Vogue og Harper's Bazaar. Hún gekk tískupalla fyrir hátískumerki á borð við Versace og Alexander McQueen og var andlit auglýsingaherferða Calvin Klein, Jean Paul Gaultier og Burberry.
Hún kom einnig fram á lokahátíð Ólympíuleikanna í London árið 2012 ásamt fyrirsætunum Kate Moss og Naomi Campbell.
Tennant lagði fyrirsætustörfin á hilluna árið 1998 þegar hún var ólétt að sínu fyrsta barni en sneri aftur í hlutastarf eftir að hún varð móðir.
Hún var gift franska ljósmyndaranum David Lasnet og eignuðust þau fjögur börn saman.