Bandaríska söngkonan Jessica Simpson var ekki að fela líkamann undir stórum náttfötum og teppi á jólunum. Hún birti mynd af sér í þröngum jólanáttfötum en fyrir rúmu ári greindi hún frá því að hún hefði lést um 45 kíló.
Þriggja barna móðirin sem varð fertug fyrr á árinu var með íþróttabuxur á hælunum á myndinni en hún taldi manninn sinn hafa ætlað að taka mynd frá mjöðmum og upp. Í stað þess tók hann mynd af öllum líkama hennar.
„Þú ert svo hraust,“ skrifaði leikkonan Jessica Alba við mynd Simpson. Fleiri hrósuðu henni fyrir að vera í góðu formi en einhverjir sögðu hana allt of granna.