Bandaríska leikkonan Andie McDowell er ekki hoppandi hæð sína yfir nýjum tengdasyni sínum, stórstjörnunni Shia LaBeouf. Dóttir McDowell, hin 24 ára gamla leikkona Margaret Qualley, er nýbyrjuð með LaBouf en á sama tíma er hann sakaður um ofbeldi af fyrrverandi kærustu.
McDowell er sögð fylgjast vel með dóttur sinni. „Ef Shia stígur svo mikið sem aðeins út fyrir línuna mun hún koma af fullum krafti á eftir honum,“ segir heimildarmaður Us Weekly.
LaBeouf og Qualley sáust saman á flugvellinum í Los Angeles nokkrum dögum fyrir jól. Þá voru aðeins nokkrir dagar síðan tónlistarkonan FKA Twigs kærði leikarann fyrir kynferðislegt, líkamlegt og andlegt ofbeldi.