Tónlistarmaðurinn Daði Freyr Pétursson, sem keppir fyrir Íslands hönd í Eurovision-söngvakeppninni í Rotterdam í maí, óskar eftir aðstoð almennings við gerð lagsins sem verður framlag Íslands í keppninni.
Þetta kemur fram í færslu Daða á Twitter en tónlistarmaðurinn er að leggja lokahönd á lagið. Hann ætlar að hafa kórkafla í því en hefur ekki aðgang að kór í kórónuveirufaraldrinum.
I need your voice!
— Daði Freyr 🥑 (@dadimakesmusic) January 4, 2021
I'm putting together a choir for the @Eurovision 2021 song.
Here are the voices I will need:https://t.co/3kPNXWH8M8
Please send your audio files to gagnamagnidchoir@gmail.com
Deadline is January 11th
Thank you <3 pic.twitter.com/gvcNWE7xFz
Þess vegna hvetur Daði fylgjendur sína á Twitter til að taka upp hljóðbrot og þannig leggja sitt af mörkum við framlag Íslands í söngvakeppninni.
Með myndbandi Daða á Twitter má finna leiðbeiningar um sönginn sem óskað er eftir en hann vantar sjö mismunandi raddir í kórinn. Upptökurnar verða síðan notaðar í laginu.
Lagið Think About Things með Daða og Gagnamagninu vann Söngvakeppnina 2020 en vegna Covid-19 var hætt við Eurovision sem átti að fara fram í Rotterdam í fyrra.