Faðir Joe Exotic, stjörnunnar úr Netflix-þáttunum Tiger King, er látinn. Lát föðurins sem hét Francis Schreibvogel má rekja til kórónuveirusmits að því fram kemur á vef TMZ. Tígriskóngurinn afplánar nú 22 ára langan dóm í fangelsi.
Joe Exotic gerir sér vonir um að mæta í jarðarförina. Lögfræðingar stjörnunnar vinna nú í að fá hann náðaðan og flugu til Washington-borgar í vikunni í því skyni. Í Washington eiga þeir mikilvægan fund í Hvíta húsinu en ef Donald Trump Bandaríkjaforseti náðar ekki stjörnuna ætla lögfræðingar stjörnunnar að reyna fá dagsleyfi fyrir stjörnuna. Jarðarförin á að fara fram á laugardaginn í Oklahoma í Bandaríkjunum.
Árið 2019 var stjarnan fundin sek um dýraníð og fyrir að skipuleggja morð á Carole Baskin.