Þriðji skilnaðurinn sá versti

Leikkonan Drew Barrymore segir að þriðji skilnaðurinn hennar hafi verið sá allra versti. Hún segist aldrei hafa upplifað neitt jafn erfitt á ævinni. Barrymore skildi við Will Kopelman árið 2016 en þau eiga tvö börn saman. 

Barrymore opnaði sig um skilnaðina í viðtali við New York Times á dögunum. Hún segir að í kjölfar skilnaðarins hafi hún upplifað kvíða, þunglyndi og kvíðaköst. 

Frétt af mbl.is

Ætlar aldrei að gifta sig aftur

„Ekkert sem ég hef gengið í gegnum hefur verið eins og þessi skilnaður. Þetta voru fyrstu stóru tímamótin sem ég gekk í gegnum sem höfðu áhrif á fólk sem ég elskaði meira en mig sjálfa. Ég var þunglynd í svona fimm ár. Ég gat ekki tekist á við þetta,“ sagði Barrymore. Hún sagði það hafa hjálpað sér að taka þunglyndislyf og byrja með spjallþættina The Drew Barrymore Show.

Barrymore hefur reynt að finna ástina á ný en líkaði alls ekki að leita að ástinni á stefnumótaforritum. Síðan kom kórónuveirufaraldurinn og hefur hún fundið hamingjuna í því að vera ein.

• Blogga um frétt