Eurovisionþulurinn vinsæli Graham Norton er vanur að kynna Eurovision-söngvakeppnina á BBC. Hann er handviss um að einhvers konar keppni fari fram í Rotterdam í maí á þessu ári en efast um að jafn margir aðdáendur og vanalega fái að horfa á keppnina í tónleikahöllinni. 

„Þeir geta komið inn á Zoom,“ sagði Norton í bandarískum útvarpsþætti á dögunum að því er fram kemur á vef BBC. „Ég efast um að það verði full tónleikahöll með 20 þúsund manns.“

Þegar BBC leitaði eftir athugasemdum frá skipuleggjendum keppninnar kom í ljós að ekki yrði notast við fjarfundarbúnað eins og Norton benti á. Frekar yrði notast við upptökur sem búið væri að taka upp ef svo færi að fólk kæmist ekki til Rotterdam. Sjónvarpsstöðvar verða að fara eftir nákvæmum reglum í upptökunum svo allir keppendur sitji við sama borð. Ekki verður til dæmis í boði að gera breytingar eftir á hvort sem það snýr að söngnum sjálfum eða sviðsetningunni.  

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• Blogga um frétt