Brooklyn Beckham gaf unnustu sinni, Nicolu Peltz, óvenjulega afmælisgjöf þegar hann fékk sér húðflúr með nafni ömmu hennar. Peltz átti 26 ára afmæli þann 9. janúar en í fyrra, á 25 ára afmælisdaginn hennar, dó amma Peltz.
Amman bar nafnið Gina og lét elsti Beckham-sonurinn flúra nafnið Gina á annan handlegg sinn. „Besta afmælisgjöfin,“ skrifaði Peltz við myndina af handlegg Beckhams. Þeir sem þekkja til áttuðu sig strax á að þarna væri Beckham á ferð enda með fjölmörg einkennandi húðflúr. Nú hefur nýtt bæst í safnið eins og sjá má hér að neðan.