Lady Gaga og J-Lo á innsetningarathöfn Bidens
Setja bókamerki
Tónlistarkonurnar Lady Gaga og Jennifer Lopez munu koma fram á innsetningarathöfn Joes Bidens á miðvikudaginn næstkomandi.
Báðar studdu þær Biden og Kamölu Harris í kosningabaráttunni og kom Lady Gaga meðal annars fram á viðburði á vegum Bidens rétt fyrir kosningarnar í nóvember á síðasta ári.
Innsetningarathöfnin verður með öðruvísi sniði en vanalega vegna kórónuveirunnar og hefur verið lögð áhersla á að gera upplifunina sem besta fyrir þá sem horfa á hana heima í stofu.
Innsetningarathafnarteymi Bidens og Harris mun þó ekki láta athöfnina sjálfa duga. Um kvöldið verður sendur út 90 mínútna þáttur þar sem bæði Biden og Harris flytja ræðu. Á milli munu svo tónlistarmenn koma fram, bæði í beinni útsendingu á upptöku. Þar á meðal eru Jon Bon Jovi, Demi Lovato, Justin Timberlake og Ant Clemons.
Skiptir miklu meira máli en fólk grunar
„Á réttri leið en nokkuð í land ennþá“
Handtekin eftir að tvö börn fundust látin
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Veiting hvalveiðileyfis ekki brot á EES-samningi
Handteknir eftir myndatöku í Vesturbæjarlaug