Leikkonan fyrrverandi Mary-Kate Olsen og Olivier Sarkozy hafa komist að samkomulagi um skilnað sinn, átta mánuðum eftir að hún sótti fyrst um skilnað.
Olsen sótti um skilnað í byrjun maí en vegna kórónuveirunnar tóku dómstólar í New York aðeins við skilnaðarumsóknum í neyð. Þau fengu ekki neyðarheimildina í vor.
Nú hafa þau Olsen og Sarkozy fundað með lögfræðingum sínum og komist að samkomulagi um skilnaðinn. Þau bíða eftir að skilnaðurinn verði afgreiddur hjá dómara og þá eru þau laus allra mála.
Olsen og Sarkozy gengu í það heilaga árið 2015 en þau byrjuðu í sambandi árið 2012. Þau hafa að mestu haldið sambandi sínu úr fjölmiðlum.