Veðbankar spá Daða Frey og Gagnamagninu sigri í Eurovison söngvakeppninni sem fer fram í Rotterdam í maí næstkomandi. Daði hefur þó ekki enn gefið út lagið sem hann mun fara með í keppnina en ljóst er að mikil spenna ríkir fyrir laginu. 

Lag Daða, Think About Things, átti að vera framlag Íslands í Eurovision á síðasta ári en keppninni var frestað vegna kórónuveirunnar. Lagið naut hins vegar mikilla vinsælda um allan heim. 

Lokakeppni Eurovision fer fram í Rotterdam þann 22. maí en Daði stígur á sviðið á seinna undankvöldinu þann 20. maí. 

Daði birti skjáskot af lista Eurovision World í gær þar sem hann trónir á toppnum. Hann vísaði í Donald Trump Bandaríkjaforseta og skrifaði „Stop the count“ eða „Stöðvið talninguna“ við skjáskotið.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt