Segir stelpur miklu heitari en menn

Tónlistarkonan Miley Cyrus sagðist vera hrifnari af kvenlíkömum en karlmannslíkömum í nýjum hlaðvarpsþætti. Cyrus sem var á tímabili gift manni segist ekki vera hrifin af kynfærum karla og brjóst væru fallegri en pungar. 

„Stelpur eru miklu heitari. Við vitum það. Allir geta held ég verið sammála um það frá því í gamla daga að typpi eru frábærar styttur,“ sagði Cyrus. „Fyrir utan það hef ég ekki áhuga. Mér finnst typpi flott sem listaverk og ég elska formið í skúlptúrum. Mér finnst það flott á borði.“

Hún sagði líka að það væri á allra vitorði að brjóst væri fallegri en pungar. Cyrus vill ekki  horfa á typpi lengi. Þegar hún stundar kynlíf með mönnum finnst henni fínt þegar kynlífið tekur stuttan tíma. „Það er gott ef það fer bara inn og fer svo.“ 

Kyn skipta Cyrus ekki máli en hún var unglingur þegar hún kom út úr skápnum sem pankynhenigð. Í hlaðvarpsþættinum sagðist hún þó frekar kjósa samkynhneigð sambönd. Er ástæðan helst hlutverkaskiptingin í samböndunum. 

Miley Cyrus. AFP

• Blogga um frétt