Óþekkjanleg sem Grimmhildur Grámann

Emma Stone fer með hlutverk Grimmhildar Grámann.
Emma Stone fer með hlutverk Grimmhildar Grámann. Skjáskot/YouTube/Disney

Leikkonan Emma Stone mun fara með hlutverk Cruellu de Vil, eða Grimmhildar Grámann eins og hún heitir í íslenskri þýðingu, í kvikmyndinni Cruella de Vil. Kvikmyndin er framhaldsmynd af Disneymyndinni vinsælu 101 Dalmatíuhundur. 

Stikla fyrir kvikmyndina var frumsýnd í dag en gert er ráð fyrir að hún fari í kvikmyndahús í maí á þessu ári.

„Það er frábært að fá að leika Grimmhildi, því hún er stærri en lífið sjálf. Það hefur verið magnað að fá að leika sér með hana og forsögu hennar, og fá að uppgötva hvað gerir hana að konunni sem við sáum í sögunni sem við þekkjum svo vel,“ sagði Stone um hlutverkið. 

Í kvikmyndinni verður fylgst með lífi Grimmhildar áður en hún varð konan sem vildi stela 33 hvolpum til að gera pels úr. Kvikmyndin gerist á 8. áratug síðustu aldar.

Stone fetar í fótspor Glenn Close sem fór með hlutverk Grimmhildar í kvikmyndunum 101 Dalmatians og 102 Dalmatians sem komu út árið 1996 og 2000. Í viðtali árið 2019 sagðist Close spennt að sjá hvernig Stone myndi túlka persónu Grimmhildar. 

mbl.is

Stjörnuspá »

Hrútur

Sign icon Mundu að þú getur ekki alltaf gert svo öllum líki. Láttu ekkert verða til að æsa þig upp. Reyndu að skoða hegun þína í raunsæju ljósi.

Stjörnuspá »

Hrútur

Sign icon Mundu að þú getur ekki alltaf gert svo öllum líki. Láttu ekkert verða til að æsa þig upp. Reyndu að skoða hegun þína í raunsæju ljósi.