Úr Neighbours í klámið

Leikkonan Caitlin Stasey, sem fór með hlutverk í þáttunum Neighbours, hefur ákveðið að venda kvæði sínu í kross og færa sig yfir í klámiðnaðinn. Stasey hefur verið ráðin hjá klámsíðunni Afterglow til að leikstýra klámmyndaseríu fyrir vefinn. 

Í viðtali við Women's Wear Daily segir leikkonan að myndirnar sem hún muni leikstýra muni einblína á valdeflingu kvenna en málið hefur staðið henni nálægt lengi.

Afterglow er klámsíða sem hópur kvenna rekur. Síðan var stofnuð á síðasta ári af Lilly Sparks og miðast efni síðunnar að konum. „Þetta er mjög töff hópur kvenna að gera mjög gott efni,“ sagði Stasey.

Hefja átti tökur á fyrstu kvikmyndinni núna í febrúar en ástandið í Los Angeles í Bandaríkjunum hefur sett strik í reikninginn. „Að búa til venjulega kvikmynd á kórónuveirutímum er erfitt – að gera klámmynd í Covid? Það er eiginlega ómögulegt,“ sagði Stasey.

• Blogga um frétt