Prinsinn með sýkingu og dvelur enn á spítala
Setja bókamerki
Filippus hertogi af Edinborg liggur enn inni á spítala. Höllin gaf út þær fréttir í dag að hann væri með sýkingu sem væri verið að meðhöndla og því myndi hann liggja inni í nokkra daga í viðbót.
Filippus var lagður inn á King Edwards VII spítalann í London á þriðjudaginn í síðustu viku vegna slappleika. Samkvæmt höllinni líður honum vel og bregst hann vel við meðferðinni.
Játvarður prins sagði í viðtali við Sky News í dag að faðir hans hlakkaði til að útskrifast af spítalanum og að honum liði mun betur.
Barnabarn prinsins, Vilhjálmur Bretaprins, var sömuleiðis spurður út í heilsufar hans í opinberri heimsókn í gær og sagði hann heilsu hans vera í lagi.
Bæði Filippus og eiginkona hans Elísabet Englandsdrottning fengu fyrsta skammt af bóluefni við kórónuveirunni í síðasta mánuði. Prinsinn er 99 ára gamall en fagnar 100 ára afmæli sínu þann 10. júní næstkomandi.
Átta morðmál á aðeins tólf mánuðum
Moses Hightower og Prins Póló gefa út eyjalag
Katrín: Jóhönnustjórnin talaði máli Íslands
„Mér finnst Halla Hrund svona Vigdísarleg“
Áköf mótmæli í bandarískum háskólum
Íslendingar ein mest einmana þjóð heims
Verðbólgan komin niður í 6%