Springsteen og Obama í eina sæng

Bruce Springsteen ásamt Barack Obama
Bruce Springsteen ásamt Barack Obama Reuters

Tónlistarmaðurinn Bruce Springsteen og Barack Obama, fyrrverandi Bandaríkjaforseti, hafa sameinað krafta sína í hlaðvarpsþáttum fyrir streymisveituna Spotify. Í þáttunum, sem bera nafnið Renegades: Born in the USA, skiptast þeir á sögum af uppvexti sínum í Bandaríkjunum. 

Fyrstu tveir þættirnir eru nú þegar komnir inn á Spotify en þeir voru teknir upp í heimastúdíói Springsteen í New Jersey. 

Spotify hefur undanfarin þrjú ár herjað á hlaðvarpsmarkaðinn en Obama og eiginkona hans Michelle Obama gerðu samning við fyrirtækið árið 2019. 

„Hann er rokkstjarna. Ég er lögfræðingur og stjórnmálamaður. Alls ekki jafn svalur. Og eins ég þreytist ekki á að segja Bruce við hvert tækifæri sem ég fæ, þá er hann meira en áratug eldri en ég,“ segir Obama í fyrsta þætti hlaðvarpsins. 

Springsteen og Obama hafa þekkst um nokkurt skeið en þeir kynntust fyrst í kosningabaráttu Obama árið 2007. Vinátta þeirra hefur svo blómstrað eftir að Obama kvaddi Hvíta húsið. 

mbl.is

Stjörnuspá »

Hrútur

Sign icon Ýmsu má bjarga sem er orðið gamalt og slitið. Nóg er að gera sitt besta, það er ekki hægt að fara fram á meira. Taktu lífinu með ró.

Stjörnuspá »

Hrútur

Sign icon Ýmsu má bjarga sem er orðið gamalt og slitið. Nóg er að gera sitt besta, það er ekki hægt að fara fram á meira. Taktu lífinu með ró.