Segir aðdáendur Britney á villigötum
Setja bókamerki
Aðdáendur tónlistarkonunnar Britney Spears sem telja að faðir hennar, Jamie Spears, eigi ekki að vera lögráðamaður hennar hafa rangt fyrir sér að sögn Vivian Thoreen, lögmanns Jamies.
Thoreen sagði í löngu viðtali við ABC News að Jamie væri ljúfur og góður faðir sem elskaði dóttur sína og hefði passað upp á að aðrir notuðu hana ekki í annarlegum tilgangi.
Mikið hefur verið fjallað um mál Britney undanfarnar vikur eftir að heimildamynd um #FreeBritney-hreyfingina kom út á dögunum. Aðdáendur hennar hafa kallað eftir því að Britney fái aftur stjórn á sínu eigin lífi.
Jamie var skipaður lögráðamaður hennar árið 2008 eftir að hún veiktist andlega.
„Ég skil að það þurfi óþokka í hverja sögu, en fólk er á villigötum hér,“ sagði Thoreen í viðtalinu. Hún sagði að ónefndir aðilar hefðu valdið henni skaða og nýtt sér neyð hennar áður en faðir hennar hefði „bjargað“ henni úr „lífshættulegum aðstæðum“.
Thoreen sagði að eignum Britney hefði ekki verið stýrt með ábyrgum hætti áður en Jamie tók málin í sínar hendur en hann hefði gert það í samráði við hana.
Telur forsendur fyrir vaxtalækkun
„Það þarf að vinna mikinn fjölda upp“
Banna mengandi búnað sem leyfður er á Íslandi
Tveir í bílnum sem lenti utan vegar
Handteknir eftir myndatöku í Vesturbæjarlaug
Shakespeare fannst í skókassa
Væri að ljúga ef ég segðist ekki stressaður