Filippus hertogi af Edinborg var í morgun færður milli spítala til frekari rannsókna á hjarta. Filippus hefur dvalið á King Edward VII-spítalanum í London í 13 daga vegna sýkingar.
Í tilkynningu frá höllinni kemur fram að hertoganum líði vel en að hann muni liggja inni á spítala út vikuna.
„Hertoginn af Edinborg var í dag færður af King Edward VII-spítalanum yfir á St Bartholomew-spítlann þar sem hann mun halda áfram í meðferð við sýkingu, sem og fara í rannsóknir á hjarta. Hertoganum líður vel og bregst vel við meðferðinni en gert er ráð fyrir að hann liggi inni út vikuna,“ segir í tilkynningunni.