Jacob Busch, fyrrverandi kærasti leikkonunnar Rebel Wilson, sendi henni hamingjuóskir á afmælisdaginn hennar í gær. Busch birti mynd af þeim saman í story á Instagram og merkti hana í færslunni.
Busch og Wilson voru saman í rúmlega ár en Wilson hætti með honum skömmu eftir áramótin í smáskilaboðum.
Wilson, sem varð 41 árs í gær, hefur lítið tjáð sig um sambandsslitin en fregnir hafa borist af því að Busch hafi verið algjörlega miður sín þegar hún sagði honum upp.
Hin nýlega einhleypa leikkona hélt upp á afmælisdaginn sinn umvafin vinkonum sínum á hóteli.