„Það er alveg hægt að læra að fínpússa grín. Maður hefur nú samt alveg hitt mjög ófyndið fólk,“ segir uppistandarinn og leikarinn Vilhelm Neto aðspurður hvort mögulegt sé að læra að vera fyndinn.
„Ég held að það sé alveg hægt að finna hvað gerir mann fyndinn,“ segir Vilhelm sem bendir á að grínistar séu mismunandi eins og fólk almennt.
Sjálfur leitast hann við að bjóða fólki upp á „gott grín“ og vill vekja fólk til umhugsunar með húmornum.
Vilhelm er gestur í nýjasta þætti Dagmála, nýrra viðtalsþátta Morgunblaðsins sem birtast í vefsjónvarpi fyrir áskrifendur sem geta fundið viðtalið við Vilhelm Neto hér.