Tveir litlir hvolpar af tegundinn corgi fylla nú Buckingham-höll af gleði á meðan Filippus hertogi af Edinborg liggur inni á spítala. Elísabet Englandsdrottning er sögð hafa fengið hvolpana fyrir um tveimur vikum og gleðja þeir mikið á erfiðum tímum. 

Hvolparnir litlu eru sagðir vera gjöf til drottningarinnar frá öðrum áhugamanni um corgi-tegundina. Drottningin hefur átt yfir 30 hunda frá því að hún var krýnd og allir hafa þeir verið undan Susan, corgi-hundinum sem hún eignaðist þegar hún var 18 ára. Nýju hvolparnir eru ekki af þeirri ætt. 

Filippus hertogi liggur enn á spítala en hann fór í hjartaaðgerð í vikunni og heppnaðist hún vel að sögn fjölskyldunnar. Hann er var lagður inn 16. febrúar síðastliðinn.

Drottningin hætti að rækta hunda árið 2018 og síðasti hundurinn sem hún ræktaði, Whisper, hvarf á vit feðra sinna í október sama ár. Þá átti hún eftir tvo hunda af tegundinni dorgi, Candy og Vulcan, en Vulcan drapst í nóvember á síðasta ári.

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

Krúttleg dýr

Úr fatahönnun í nám í dýrahjúkrun

• Íslenskir hestar og hundar frá Gasa á JFK-flugvelli
• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið

» Fleiri tengdar fréttir

• Blogga um frétt