Svall norskra útrásarvíkinga heldur áfram

Úr fyrstu þáttaröðinni af Útrás.
Úr fyrstu þáttaröðinni af Útrás. NRK

Norsku útrásarvíkingarnir í Exit-þáttunum eða Útrás mæta aftur í sjónvarpið í kvöld. Þættirnir eru byggðir á sönnum sögum úr norsku viðskiptalífi og settu allt á annan endann á Íslandi þegar þeir fóru í loftið fyrir ári. Nokkur ár eru liðin frá fyrstu þáttaröðinni og kemur kórónuveiran við sögu í þáttaröð tvö. 

Í nýju þáttaröðinni fá áhorfendur betri mynd af því hvernig útrásarvíkingarnir fjórir auðgast, með innherjaviðskiptum og frændhygli að því er fram kemur á vef RÚV. Um leið færist aukin áhersla á eiginkonur og kærustur mannanna, sem eru algerlega upp á þá komnar og reyna þær að hefna sín. 

Önnur þáttaröð hefur fengið góða dóma í Noregi. Í dómi Verdens Gang í síðustu viku kemur fram að áhersla handritshöfunda sé ekki að hneyksla jafnmikið og í fyrstu þáttaröð en áhorfendur eiga þó von á góðu. 

Fyrsti þáttur Exit 2 verður sýndur á RÚV mánudaginn 8. mars klukkan 22:20. Þáttaröðin í heild verður einnig aðgengileg í spilara RÚV.

mbl.is

Stjörnuspá »

Hrútur

Sign icon Nýjar hliðar á vandasömu verkefni krefjast allrar þinnar athygli og atorku. Sestu niður, skipuleggðu tíma þinn svo þú getir komið því í verk sem þú átt að gera.

Stjörnuspá »

Hrútur

Sign icon Nýjar hliðar á vandasömu verkefni krefjast allrar þinnar athygli og atorku. Sestu niður, skipuleggðu tíma þinn svo þú getir komið því í verk sem þú átt að gera.