Bakarinn og nú listmálarinn Jói Fel birti í gær nýjustu verk sín á Instagram, þar sem hann tekur fyrir almannavarnaþríeykið, Ölmu Möller landlækni, Víði Reynisson yfirlögregluþjón og Þórólf Guðnason sóttvarnalækni.
Jói, fullu nafni Jóhannes Felixson, hefur verið iðinn með pensilinn í kórónuveirufaraldrinum og sýnt frá afrakstrinum á samfélagsmiðlum.
Á dögunum vakti það einnig athygli þegar hann málaði Kára Stefánsson, forstjóra Íslenskrar erfðagreiningar. Sú mynd kvað hafa selst strax. Nú er að sjá hvort slegist verði um nýju myndirnar af þríeykinu.