Auðæfi rapparans Kanyes Wests hafa aukist umtalsvert undanfarnar vikur. West gaf nýlega út nýja týpu af Yeezy-skónum vinsælu og seldust þeir upp á skömmum tíma. Hann stendur nú í skilnaði við eiginkonu sína Kim Kardashian sem sótti um skilnað við hann í febrúar.
Samkvæmt Bloomberg eru auðæfi rapparans nú metin á 6,6 milljarða bandaríkjadala.
Á síðasta ári gerði West 10 ára samning við tískufyrirtækið Gap um hönnun og framleiðslu fatalína sem seldar yrðu undir merkinu Yeezy Gap. Búist er við því að fyrsta línan lendi í verslunum í sumar.
West er einnig með samning við Adidas um hönnun Yeezy-skónna vinsælu. Þar að auki hefur hann tekjur af tónlist sinni.