Raunveruleikastjarnan Mama June var komin á slæman stað áður en hún fór í meðferð fyrir 14 mánuðum. Hún og kærasti hennar Geno Doak bjuggu saman í bílnum áður en þau fóru saman í fíkniefnameðferð.

June er heldur betur núna búin að snúa blaðinu við og er í herferð til að vekja athygli á sínum nýjustu raunveruleikaþáttunum Mama June: Road to Redemption. Áður var hún með raunveruleikaþættina Mama June: From Not to Hot.

Hún glímdi við mikla fíkn sem komst upp þegar hún og Doak voru handtekin fyrir vörslu á fíkniefnum í mars 2019. Sumarið 2019 seldi hún hús sitt undir markaðsverði og flutti í bílinn sinn. Þau Doak keyrðu svo á milli spilavíta á suðurströnd Bandaríkjanna milli þess sem þau keyptu fíkniefni.

Eftir handtökuna missti hún forræði yfir yngstu dóttur sinni, Alönu Thompson eða Honey Boo Boo, og flutti hún til eldri systur sinnar Lauryn Shannon þar sem hún hefur búið síðan í apríl 2019. 

June fór svo í meðferð í janúar 2020 og hefur það að markmiði að geta haldið heimili fyrir dóttur sína sem er 15 ára.

„Markmiðið mitt er að taka einn dag í einu. Mig langar til að léttast aðeins, þú veist, það mun gerast á endanum, en að vera edrú og laga sambönd mín við börnin mín er það sem ég er með í forgangi,“ sagði Mama June. 

Us Weekly

Tengdar fréttir

Mama June

Giftu sig aftur

• Giftu sig í leyni eftir sex mánaða samband
• Vill ekki að dóttir sín fari í magaermi
• Barnastjarna fer í magaermi
• Komin með nýjan og yngri kærasta

» Fleiri tengdar fréttir

Edrúland

Stærsti sigurinn að hætta að drekka

• Curtis fagnar 25 ára edrúafmæli
• „Ég var bölvaður sykurfíkill, alltaf að éta sætindi“
• „Alkóhólismi er sjúkdómur einmanaleikans“
• Arnar náði árangri vegna dvalar á áfangaheimilum

» Fleiri tengdar fréttir

• Blogga um frétt