Daði Freyr Pétursson er áttundi á svið seinna undanúrslitakvöldið í Eurovision í Rotterdam í maí. Daði flytur lagið 10 Years ásamt hljómsveitinni Gagnamagninu í Söngvakeppni evrópskra sjónvarpsstöðva.
Undanúrslitin fara fram þriðjudaginn 18. maí og fimmtudaginn 20. maí. Sem fyrr segir flytur Daði lag sitt á seinna undanúrslitakvöldinu en 16 önnur lönd koma fram sama kvöld. Úrslitakvöldið er laugardagskvöldið 22. maí og taka 26 lönd þátt í úrslitakeppninni.
Daði og Gangamagnið fengu annað tækifæri til þess að fara í keppnina í ár en söngvakeppninni var aflýst í fyrra. Mikil spenna skapaðist í kringum framlag Íslands í ár eftir vinsældir lags Daða í fyrra en sem stendur er Ísland í sjöunda sæti hjá veðbönkum.