Búið að taka upp nýju Friends-þættina

Vinirnir snúa aftur á skjáinn innan fárra mánaða.
Vinirnir snúa aftur á skjáinn innan fárra mánaða.

Tæpum 17 árum eftir að tökum lauk á síðasta Friends-þættinum er tökum lokið á endurkomuþáttum af þáttaröðinni vinsælu. Fregnir BBC herma að lokið hafi verið við að taka upp þættina í síðustu viku. 

HBO Max, sem framleiðir þættina, hefur ekki gefið út hvenær þættirnir verða sýndir en talið er að það verði á næstu mánuðum. Upphaflega stóð til að taka þættina upp í ágúst á síðasta ári en heimsfaraldurinn kom í veg fyrir það. 

Mikil spenna er fyrir endurkomuþáttunum en allir upphaflegu leikararnir, Matthew Perry, Jennifer Aniston, Courteney Cox, Lisa Kudrow, Matt LeBlanc og David Schwimmer munu snúa aftur í þáttunum.

Um helgina birti Perry mynd úr sminkstólnum á Instagram og sagðist hafa verið að hitta alla vini sína aftur eftir langan tíma. Myndin virðist þó ekki hafa fengið samþykki framleiðenda og var hún tekin út skömmu seinna. 

BBC

mbl.is

Stjörnuspá »

Hrútur

Sign icon Þú átt auðvelt með að ná sambandi við börn og nú er rétti tíminn fyrir leiki, skemmtanir og frí. Samtal við ókunnuga mun leiða til góðs.

Stjörnuspá »

Hrútur

Sign icon Þú átt auðvelt með að ná sambandi við börn og nú er rétti tíminn fyrir leiki, skemmtanir og frí. Samtal við ókunnuga mun leiða til góðs.