Fyrirsætan Ireland Baldwin, dóttir leikaranna Alecs Baldwins og Kim Basinger, fékk sér nýtt húðflúr á dögunum. Húðflúrið fékk hún sér á aðra rasskinnina.
„Fékk mér nýtt húðflúr því ég elska að taka skyndiákvarðanir,“ skrifaði Baldwin undir mynd af nýja flúrinu. Flúrið sýnir kúrekastígvél og orðin „Yeehaw“.
Þetta er ekki fyrsta flúr fyrirsætunnar en handleggir hennar eru skreyttir ýmiskonar flúri.