Var sofnaður þegar hann fékk Óskarinn
Setja bókamerki
Hinn 83 ára gamli Anthony Hopkins skráði sig í sögubækurnar þegar hann varð elsti leikari til þess að vinna Óskarsverðlaun fyrir leik í aðalhlutverki. Velski leikarinn var heima hjá sér í Wales þegar verðlaunin voru afhent og löngu sofnaður þegar nafn hans var lesið upp.
„Tony var í Wales þar sem hann ólst upp og var sofandi klukkan fjögur um nóttina þegar ég vakti hann til þess að segja honum fréttirnar,“ sagði Jeremy Barber umboðsmaður hans í viðtali við People eftir sigurinn. „Hann var ánægður og þakklátur.“
Hopkins hlaut verðlaunin fyrir hlutverk sitt í The Father. Margir gerðu ráð fyrir að Chadwick heitinn Boseman fengi sín fyrstu og einu Óskarsverðlaunin fyrir leik sinn í Ma Rainey's Black Bottom en svo varð ekki.
Hopkins, sem er búinn að fara í bólusetningu, gat loksins snúið aftur heim til Wales eftir að hafa haldið sig út af fyrir sig í heilt ár. Umboðsmaður hans sagði að ferðin heim hefði verið mikill léttir eftir afar erfitt ár.
Gígbarmurinn hækkað frá því í gær
Tveir í bílnum sem lenti utan vegar
Skemmtiferðaskip hætt komið nærri Viðey
Skiptir miklu meira máli en fólk grunar
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Shakespeare fannst í skókassa