Körfuboltakappinn Tristan Thompson er sakaður um að hafa haldið fram hjá raunveruleikaþáttastjörnunni Khloé Kardashian enn á ný. Instagramstjarnan Sydney Chase segist hafa átt í sambandi við hann í nokkrar vikur í kringum síðustu áramót. 

Chase greindi frá því í hlaðvarpsþættinum No Jumper að hún hefði hitt Thompson í nóvember í fyrra en hætt að hitta hann í janúar þegar hún áttaði sig á að hann væri ekki einhleypur. Hún segir að Thompson hafi haft samband daginn eftir afmæli True, dóttur hans og Kardashian, í apríl vegna þess að hann hafði heyrt af hlaðvarpsþættinum. 

Frétt af mbl.is

Vonar að Thompson hafi breyst

„Í viðtalinu fékk ég spurningu frá Hayden vinkonu minni sem ég svaraði af hreinskilni,“ sagði Chase á samfélagsmiðlinum TikTok. „Hins vegar opinberaði ég persónulegar upplýsingar um Tristan sem ég biðst afsökunar á af því það er ekki í lagi og ég hefði ekki átt að gera það.“

Chase ítrekaði þó á TikTok að þau hefðu átt í sambandi og að það sem hún sagði í hlaðvarpsþættinum væri satt. 

Enn hefur ekkert heyrst úr herbúðum Thompsons og Kardashian. Þau eiga saman þriggja ára dóttur en hættu saman tæpu ári eftir fæðingu barnsins eftir að upp komst um framhjáhald Thompsons. Þau byrjuðu saman aftur í fyrra. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt